Archive

Archive for the ‘Naxal’ Category

ഇന്ത്യന്‍ സൈന്യത്തിന്റെ പഴയ ആയുധങ്ങള്‍ മാവോയിസ്റ്റുകളുടെ കയ്യില്‍; വീണ്ടും അഴിമതി വിവാദം

April 17, 2012 Leave a comment

സൈന്യത്തിന്‍റെ ഉപയോഗശൂന്യമായ പഴയ ആയുധങ്ങള്‍ എടുക്കുന്ന ആന്ധ്രയിലെ ആക്രികച്ചവടക്കാരനില്‍ നിന്നും നക്സലുകള്‍ അവ വാങ്ങി റിപ്പയര്‍ ചെയ്തു ഉപയോഗിക്കുന്നുണ്ടാകാം…
മിനുക്കിയെടുത്ത ആ പഴയ ആയുധങ്ങള്‍ ഉപയോഗിക്കുന്നതുകൊണ്ട്,
ഇന്ത്യന്‍ കൂലിപട്ടാളത്തിന്‍റെ സ്വതവേയുള്ള അലംഭാവത്തിലും അഴിമതിയിലും നക്സലുകളെ പഴിപറയരുത്…

Image

ന്യൂദല്‍ഹി: വിവാദങ്ങള്‍ ഇന്ത്യന്‍ സൈന്യത്തെ വിട്ടൊഴിയുന്നില്ല. ടെട്ര ട്രക്ക്, വി.കെ സിംഗ് വിവാദങ്ങള്‍ക്ക് പിന്നാലെ ഇന്ത്യന്‍ ആഭ്യന്തര സുരക്ഷയുടെ കാര്യത്തില്‍ സൈന്യത്തിന്റെ അലംഭാവം കാണിക്കുന്ന മറ്റൊരു അഴിമതി കൂടി പുറത്തുവന്നിരിക്കുകയാണ്. ഇന്ത്യന്‍ സേനയുടെ പഴയ യുദ്ധോപകരണങ്ങള്‍ മാവോയിസ്റ്റുകള്‍ക്ക് മറിച്ചുവില്‍ക്കുന്നുവെന്നതാണ് പുതിയ റിപ്പോര്‍ട്ട്.

ജനുവരിയില്‍ ദല്‍ഹിയിലേക്ക് സൈനിക നീക്കം നടന്നുവെന്ന വാര്‍ത്ത പുറത്തുവിട്ട് വിവാദങ്ങള്‍ സൃഷ്ടിച്ച ഇന്ത്യന്‍ എക്‌സ്പ്രസ് പത്രമാണ് പുതിയ പുതിയ റിപ്പോര്‍ട്ടും പുറത്തുവിട്ടിരിക്കുന്നത്. ജബാല്‍പൂരിലെ സെന്‍ട്രല്‍ ഓര്‍ഡന്‍സ് ഡിപ്പോയില്‍ നിന്നും കാലാവധി കഴിഞ്ഞ ആയുധങ്ങള്‍ നക്‌സലുകളുടെ കൈകളിലെത്തുന്നുവെന്നാണ് റിപ്പോര്‍ട്ട്. ഈ ആയുധങ്ങള്‍ മിനുക്കിയെടുത്താണ് നക്‌സലുകള്‍ സുരക്ഷാ സൈനികര്‍ക്കെതിരെ ആക്രമണം നടത്തുന്നതെന്നാണ് റിപ്പോര്‍ട്ടില്‍ പറയുന്നത്.

സംഭവത്തെക്കുറിച്ചറിഞ്ഞ സൈന്യം ജബല്‍പൂരിലെ സെന്‍ട്രല്‍ ഓര്‍ഡന്‍സ് ഡിപ്പോയുടെ ചുമതലയുള്ള ലെഫ്റ്റനന്റ് കേണല്‍ എസ്.സി പാണ്ഡെയ്‌ക്കെതിരെ അച്ചടക്കലംഘന നടപടികള്‍ ആരംഭിച്ചുവെന്നാണ് തങ്ങളുടെ പക്കലുള്ള രേഖകളില്‍ നിന്ന് വ്യക്തമാകുന്നതെന്ന് എക്‌സ്പ്രസ് പറയുന്നു. 2011 നവംബറില്‍ ഉപയോഗശൂന്യമായ സാധനങ്ങള്‍ വാങ്ങുന്ന ആന്ധ്രയിലെ ഒരു വ്യാപാരിക്ക് ടി-72 ടാങ്കുകള്‍ വിറ്റതിനാണ് ഇയാള്‍ നടപടി നേരിടുന്നത്. ഇതില്‍ അത്യാധുനിക ആയുധമായ 125 എം.എം എഫ്.എസ്.എ.പി.ഡി.എസ് ജാര്‍ഖണ്ഡിലെ നക്‌സല്‍ പ്രവര്‍ത്തകരുടെ കൈകളിലെത്തിയിട്ടുണ്ടെന്നും കണ്ടെത്തിയിട്ടുണ്ട്.

ഏറ്റവുമധികം ഗതികോര്‍ജ്ജമുള്ള വെടിത്തിരയായാണ് എഫ്.എസ്.എ.പി.ഡി.എസ്. എല്ലാടാങ്കുകളെയും ഒരുമിച്ച് നശിപ്പിക്കാന്‍ കഴിയുന്നവയാണിവ. ടി-72 ടാങ്കുകളുടെ ശക്തി വര്‍ധിപ്പിക്കാനും ഇതിന് സാധിക്കും.

എന്നാല്‍ ഈ പഴയ ആയുധങ്ങള്‍ ഉപയോഗശൂന്യമായതിനാല്‍ നക്‌സലുകള്‍ക്ക് ഇതുകൊണ്ട് ആക്രമണം നടത്താനാവില്ലെന്നാണ് മുതിര്‍ന്ന ഉദ്യോഗസ്ഥര്‍ പറയുന്നത്. എന്നാല്‍ ഇവ ഉപയോഗിച്ച് ചെറിയ ടാങ്കുകള്‍ എളുപ്പത്തില്‍ തകര്‍ക്കാന്‍ കഴിയുന്ന ഉയര്‍ന്ന തീവ്രതയുള്ള ഐ.ഇ.ഡികള്‍ ഉണ്ടാക്കാനാകുമെന്നും അദ്ദേഹം വ്യക്തമാക്കി.

ജബാല്‍പൂര്‍ സി.ഒ.ഡിയില്‍ ജോലി ചെയ്തിരുന്ന സുബേദാര്‍ ഹിരാന്‍മെയെന്നയാളുടെ വെളിപ്പെടുത്തലിന്റെ അടിസ്ഥാനത്തിലാണ് ഇത് സംബന്ധിച്ച കാര്യങ്ങള്‍ പരിശോധിച്ചത്. വേറൊരു വിഷയത്തിന്റെ അന്വേഷണവുമായി ബന്ധപ്പെട്ട് സാക്ഷിമൊഴി പറയവെയാണ് ഹിരാന്‍മെ ഇക്കാര്യം വെളിപ്പെടുത്തിയത്. 2011 നവംബര്‍ 15ന് ബറേല ഡാമിലുള്ള പഴകിയ ആയുധങ്ങള്‍ നശിപ്പിക്കുന്ന സ്ഥലത്തേക്ക് പറഞ്ഞയച്ച മൂന്ന് ആയുധങ്ങള്‍ നിറച്ച വാഹനങ്ങളില്‍ രണ്ടെണ്ണമേ സ്ഥലത്തെത്തിയിട്ടുള്ളൂവെന്നായിരുന്നു അദ്ദേഹത്തിന്റെ വെളിപ്പെടുത്തല്‍.

കാണാതായ വാഹനത്തില്‍ 139 പാക്ക് യുദ്ധോപകരണങ്ങളുണ്ടായിരുന്നു. താനും സുബേദാര്‍ റാവുവും ഹവില്‍ദാര്‍ ജി.എസ്.എസ് റെഡിയും യാത്രിചെയ്തിരുന്ന ബറേല ഡാമിലേക്ക് പോവേണ്ട ട്രെക്ക് പാതിവഴിയില്‍ നിന്നപ്പോള്‍ താന്‍ അത്ഭുതപ്പെട്ടുവെന്നും ഹിരാന്‍മെ പറഞ്ഞിരുന്നു.
doolnews.com

Categories: Naxal Tags:

സുപ്രീംകോടതി അതിരുകടക്കുന്നെന്ന് കേന്ദ്രം; നക്‌സല്‍ വിധിക്കെതിരെയും റിവ്യുഹരജി

August 14, 2011 Leave a comment

Madhyamam Published on Sun, 08/14/2011 – 00:04 ( 16 hours 24 min ago)

ന്യൂദല്‍ഹി: സുപ്രീംകോടതിയുടെ ഭാഗത്തു നിന്നുള്ള തുടര്‍ച്ചയായ ഇടപെടലുകള്‍ സൃഷ്ടിക്കുന്ന ആശങ്കക്കിടയില്‍ മറ്റൊരു സുപ്രധാന വിധി കൂടി പുനഃപരിശോധിക്കണമെന്നാവശ്യപ്പെട്ട് കേന്ദ്ര സര്‍ക്കാര്‍ രംഗത്ത്. ജുഡീഷ്യറിയുടെ അധികാര പരിധി മറികടന്നു കൊണ്ടുള്ള നീക്കം ശരിയല്ലെന്ന പരോക്ഷവിമര്‍ശം കൂടി ഉള്‍പ്പെടുത്തിയാണ് സര്‍ക്കാര്‍ സുപ്രീംകോടതിയില്‍ റിവ്യുഹരജി ഫയല്‍ ചെയ്തത്. രണ്ടു മാസത്തിനുള്ളില്‍ രണ്ടാം തവണയാണ് കേന്ദ്രം സുപ്രീം കോടതിയില്‍ റിവ്യു ഹരജി നല്‍കുന്നത്.

നക്‌സല്‍ വിരുദ്ധ ഓപറേഷന്‍ സംബന്ധിച്ച  വിധി പുനഃപരിശോധിക്കണം എന്നാവശ്യപ്പെട്ടാണ് കേന്ദ്ര സര്‍ക്കാര്‍ ഇക്കുറി സുപ്രീംകോടതിയെ സമീപിച്ചിരിക്കുന്നത്. ജൂലൈ അഞ്ചിന് പുറപ്പെടുവിച്ച ഉത്തരവിലെ രണ്ട് സുപ്രധാന ഭാഗങ്ങള്‍ പിന്‍വലിക്കണമെന്നാണ് ആവശ്യം. നക്‌സല്‍വിരുദ്ധ വേട്ടക്ക് പ്രത്യേക പൊലീസ് ഉദ്യോഗസ്ഥരെ ഉപയോഗിക്കുന്നത് കോടതി വിലക്കിയിരുന്നു. ഉത്തരവിന്റെ  75, 76 പരഗ്രാഫുകളിലാണ് മാറ്റം ആവശ്യപ്പെട്ടിരിക്കുന്നത്. ഭരണഘടനയുടെ അന്തസത്തക്ക് നിരക്കുന്നതല്ല കോടതിയുടെ പരാമര്‍ശമെന്നും സര്‍ക്കാര്‍ ഹരജിയില്‍ പറയുന്നു. അധികാരത്തിലേക്കുള്ള ജുഡീഷ്യറിയുടെ കടന്നുകയറ്റമായും ഈ പരാമര്‍ശങ്ങളെ സര്‍ക്കാര്‍ നോക്കി കാണുന്നുണ്ട്.  അഡീഷനല്‍ സോളിസിറ്റര്‍ ജനറല്‍ ഹരിന്‍ റാവല്‍, അറ്റോര്‍ണി ജനറല്‍ ഗുലാം ഇ. വഹന്‍വതി എന്നിവരാണ് പുനഃപരിശോധനാ ഹരജി തയാറാക്കി നല്‍കിയത്.

കള്ളപ്പണവുമായി ബന്ധപ്പെട്ട കേസില്‍ കഴിഞ്ഞമാസമാണ് സര്‍ക്കാര്‍ സുപ്രീംകോടതിയില്‍ പുനഃപരിശോധനാ ഹരജി  നല്‍കിയത്. കള്ളപ്പണം അന്വേഷിക്കാന്‍ പ്രത്യേക ദൗത്യ സംഘത്തെ നിയോഗിക്കണമെന്ന സുപ്രീംകോടതി നിര്‍ദേശത്തെ ചോദ്യം ചെയ്തു കൊണ്ടായിരുന്നു അത്. ജുഡീഷ്യല്‍ ആക്റ്റിവിസത്തിന്റെയും അതിരു കടക്കലിന്റെയും ഭാഗമായാണ് വിധിയെന്നും സര്‍ക്കാര്‍ റിവ്യുഹരജിയില്‍ കുറ്റപ്പെടുത്തി.

നക്‌സല്‍ ഗ്രൂപ്പുകള്‍ക്കെതിരായ പ്രവര്‍ത്തനങ്ങള്‍ക്ക് സ്‌പെഷല്‍ പൊലീസ് ഓഫിസര്‍മാരെ നിയോഗിക്കുന്നതിന് സര്‍ക്കാര്‍ വക ഫണ്ട് നേരിട്ടോ അല്ലാതെയോ വിനിയോഗിക്കുന്നതില്‍ നിന്ന് വിട്ടു നില്‍ക്കണമെന്ന നിര്‍ദേശമാണ് ഉത്തരവു പകര്‍പ്പിന്റെ  75ാം പാരഗ്രാഫില്‍ കോടതി ചൂണ്ടിക്കാട്ടിയത്. ജസ്റ്റിസ് ബി. സുദര്‍ശന്‍ റെഡ്ഡിയും എസ്.എസ് നജ്ജാറും ഉള്‍പ്പെടുന്ന ബെഞ്ചായിരുന്നു നക്‌സല്‍ വിധിപ്രസ്താവം നടത്തിയത്്.

പൊലീസ് സേന സംബന്ധിച്ച  എല്ലാ കാര്യങ്ങളും സര്‍ക്കാര്‍ നിയന്ത്രണത്തിലാണെന്ന് ഭരണഘടന പ്രത്യേകം പറയുന്നതായി ഹരജി ചൂണ്ടിക്കാട്ടുന്നു.  ഇക്കാര്യത്തില്‍ കോടതി ഇടപെടാന്‍ പാടില്ലെന്നാണ് വ്യവസ്ഥ. അധികാര വിഭജനത്തില്‍ വ്യക്തത വേണം -ഹരജി ചൂണ്ടിക്കാട്ടുന്നു.

നക്‌സല്‍ ബാധിത സംസ്ഥാനങ്ങളിലെ നടപടികള്‍ സുപ്രീംകോടതി വിധി ആഭ്യന്തര മന്ത്രാലയത്തിന്  തടസ്സമായിട്ടുണ്ട്്. ഓര്‍ഡിനന്‍സ് വഴി പ്രതിസന്ധി മറികടക്കുന്നതു സംബന്ധിച്ച നിയമോപദേശമാണ് മന്ത്രാലയത്തിന് ലഭിച്ചിരിക്കുന്നത്. എന്നാല്‍, കേന്ദ്രസര്‍ക്കാറിനുള്ളില്‍ തന്നെ ഇക്കാര്യത്തില്‍ ഭിന്ന നിലപാടാണുള്ളത്. തൃണമൂല്‍ കോണ്‍ഗ്രസും മറ്റും സുപ്രീംകോടതി വിധിയെ അനുകൂലിക്കുന്ന സമീപനമാണ് കൈക്കൊണ്ടത്്. പ്രത്യേക പൊലീസ് ഓഫിസര്‍മാരെ നക്‌സല്‍വിരുദ്ധ നടപടികള്‍ക്ക് ഉപയോഗിക്കരുതെന്ന അഭിപ്രായാണ് തനിക്കുള്ളതെന്ന് എ.ഐ.സി.സി ജനറല്‍ സെക്രട്ടറി ദിഗ്‌വിജയ് സിങ്ങും കഴിഞ്ഞദിവസം പറഞ്ഞിരുന്നു.

സി.പി.ഐ-മാവോയിസ്റ്റിന്റെ നിരോധം നീട്ടി

Madhyamam Published on Tue, 08/09/2011 – 22:46 ( 2 weeks 4 days ago)

ഹൈദരാബാദ്: സി.പി.ഐ-മാവോയിസ്റ്റ ്പാര്‍ട്ടിയുടെയും  പോഷകസംഘടനകളുടെയും  നിരോധം ആന്ധ്രപ്രദേശ് സര്‍ക്കാര്‍ ഒരുകൊല്ലത്തേക്കു കൂടി നീട്ടി. ആന്ധ്രപ്രദേശ് പബ്ലിക് സെക്യൂരിറ്റി ആക്ട് പ്രകാരമാണ് നിരോധം. റാഡിക്കല്‍ യൂത്ത് ലീഗ്, റൈതു കൂലി സംഘം, റാഡിക്കല്‍ സ്റ്റുഡന്റ്‌സ് യൂനിയന്‍, സിംഗരേനി കര്‍മിക സമക്യ, വിപ്ലവ കര്‍മിക സമക്യ, ഓള്‍ ഇന്ത്യ റവലൂഷനറി സ്റ്റുഡന്റ്‌സ് യൂനിയന്‍ തുടങ്ങിയ പോഷക സംഘടനകള്‍ക്കാണ ്‌നിരോധം ബാധകമാവുക.

 

Categories: Naxal