Home > Afsal Guru > പാര്‍ലമെന്റ് ആക്രമണം: അഫ്‌സല്‍ ഗുരുവിന്റെ ദയാഹര്‍ജി തള്ളണമെന്ന് കേന്ദ്രം

പാര്‍ലമെന്റ് ആക്രമണം: അഫ്‌സല്‍ ഗുരുവിന്റെ ദയാഹര്‍ജി തള്ളണമെന്ന് കേന്ദ്രം

Madhyamam Published on Thu, 08/11/2011
എം.സി.എ. നാസര്‍
പാര്‍ലമെന്റ് ആക്രമണം: അഫ്‌സല്‍ ഗുരുവിന്റെ  ദയാഹര്‍ജി തള്ളണമെന്ന് കേന്ദ്രം

ന്യൂദല്‍ഹി: പാര്‍ലമെന്റ് ആക്രമണ ക്കേസില്‍ പ്രതിചേര്‍ക്കപ്പെട്ട അഫ്‌സല്‍ ഗുരുവിന്റെ വധശിക്ഷ നടപ്പാക്കുന്നതു സംബന്ധിച്ച് കേന്ദ്രസര്‍ക്കാര്‍ തങ്ങളുടെ അന്തിമ  നിലപാട് രാഷ്ട്രപതിയെ അറിയിച്ചു. അഫ്‌സല്‍ ഗുരുവിനുവേണ്ടി ഭാര്യ തബസ്സും നല്‍കിയ ദയാഹര്‍ജിയുടെ പുറത്താണ്  സര്‍ക്കാറിന്റെ അഭിപ്രായം ആഭ്യന്തര മന്ത്രാലയം കൈമാറിയത്. ദയാഹര്‍ജി തള്ളണമെന്ന അഭിപ്രായമാണ് സര്‍ക്കാര്‍ കൈക്കൊണ്ടതെന്നറിയുന്നു.

ജൂലൈ 27നാണ് ദയാഹര്‍ജി രാഷ്ട്രപതിക്ക് കൈമാറിയതെന്ന് ആഭ്യന്തര സഹമന്ത്രി മുല്ലപ്പള്ളി രാമചന്ദ്രന്‍ രാജ്യസഭയെ അറിയിച്ചു. ദയാഹര്‍ജി സമര്‍പ്പിച്ച ശേഷം യുക്തമായ നടപടികള്‍ കൈക്കൊള്ളുന്നതിന് വ്യക്തമായ സമയക്രമം  ഭരണഘടന അനുശാസിക്കുന്നില്ലെന്ന് അദ്ദേഹം ചോദ്യത്തിന് മറുപടിയായി വ്യക്തമാക്കി. എല്ലാ കേസുകളിലും നീതിപൂര്‍വകവും പൊടുന്നനെയുള്ളതുമായ തീരുമാനം കൈക്കൊള്ളുക എന്നത് തികച്ചും ഭരണപരമായ തീരുമാനം മാത്രമാണ്.

2001 ഡിസംബറില്‍ നടന്ന പാര്‍ലമെന്റ് ആക്രമണവുമായി ബന്ധപ്പെട്ടാണ് അഫ്‌സല്‍ ഗുരുവിനെ ശിക്ഷിച്ചത്. കശ്മീര്‍ സ്വദേശിയായ ഗുരുവിനെ മനഃപൂര്‍വം കേസില്‍ കുടുക്കുകയായിരുന്നുവെന്നും അദ്ദേഹത്തിന് നീതി ഉറപ്പാക്കാതിരിക്കാന്‍ ബോധപൂര്‍വം നീക്കം നടന്നതായും പ്രമുഖ പൗരാവകാശ സംഘടനകള്‍ കുറ്റപ്പെടുത്തുന്നു. വധശിക്ഷ സുപ്രീം കോടതി 2004ല്‍ ശരിവെച്ചു. ഇതേ തുടര്‍ന്ന്  രാഷ്ട്രപതിക്ക് സമര്‍പ്പിച്ച ദയാഹര്‍ജിയിലെ തീരുമാനം പ്രധാനമാണ്. 2006 ഒക്‌ടോബര്‍ 20ന് വധശിക്ഷ നടപ്പാക്കാനായിരുന്നു നേരത്തെയുള്ള തീരുമാനം.

ഗുരുവിന്റെ വധശിക്ഷ നീട്ടിക്കൊണ്ടു പോകുന്നതിനെതിരെ ബി.ജെ.പി രാജ്യവ്യാപകമായ പ്രതിഷേധ പരിപാടികള്‍ സംഘടിപ്പിച്ചു വരികയാണ്.

Advertisements
Categories: Afsal Guru
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: